BACCHI Theatrum

BACCHI Theatrum

cuius mentio in L. memorata Demostheni in Midiana, Ο῞τμν ἡ πομπἡ τῷ Διονύσῳ ἐν Πειραιεῖ καὶ ὁι Κωμῳδοὶ καὶ ἐπὶ Ληναίῳ πομπὴ καὶ ὁι Τραγῳδὸι καὶ ὁι Κωμῳδοι καὶ τοῖς ἐν ἄςτει Διονυσίοις ἡ πομπὴ καὶ ὁι παῖδες καὶ ὁ Κῶμος καὶ ὁι Κωμῳδὸι καὶ ὁι Τραγῳδὸι καὶ Θαργψλίων τῇ πομπῇ καὶ τῷ ἀγῶν???, μήτε ἐξεῖναι μήτε ἐνεχυράσαι ---- ἐν ταύταις ταῖς ἡμέραις. Ε᾿ὰν δέ τι τούτων τις παραβαίνῃ, υπόδικος ἔςτω τῷ παθόντι καὶ προβολαὶ κατ᾿ αὐτοῦ ἔςτωσαν ἐν τῇ Ε᾿κκλησίᾳ τῇ ἐν Διονύσου ὠς άδικοῦντος καθ᾿ ἃ περὶ τῶν ἄλλων ἀδικούντων γέγραπται. Cum Pompa Libero ducitur in Piraeeo, agunt Comoedi et Tragoedi; item Lenaea pompa, et agentibus Tragoedis atque Comoedis. Astycorum quoque Liberalium pompa, saltante puerorum Chorô dum fit Comus aguntque Comoedi et Tragoedi: Thargeliorum item pompâ et certamine: neque pignus capito ---- istis diebus. Qui secus faxit, accusator a loeso et parabolae adversus eum dantor apud populum pro contione in Bacchi, sirempse lege, quâ adversus alios, qui Festi religionem temerârint: locus erat Athenis, Philone Architectô, Tragoedorum olim Comicorumque Poetarum commissionibus destinatus; infra Acropolim, cui murô, ut Pausan. l. 1. vocat, Australi, iunctus erat. Ibi hodieque specus visitur, ubi tripus olim Apollinis, cum huius sororisque eius Dianae statuis, qui Niobes familiae internecinam stragem

inferentes repraesentabantur. Sed et conspicuae olim ibidem erant Tragicorum Poêtarum illustrium, Aeschyli inprimis, Euripidis, Sophoclisque; et inter Comicos, Menandri praecipue im agines. Quae tamen omnia edaci aevô destructa, exceptâ muri parte, in qua tres etiamnum fenestrarum ordines videntur: ur et inscriptiones quaedam, inter quas una, quae Artemidori meminit, filii Apollophanis Acarnanis, qui forte inter Comicos illos locum quoque habuit. Certe Apollophanem Comicum quinque dramata composuisse, Suidas auctro est. Prope erat porticus Eumenici, praeparationi Actorum, et deambulationi ac confabulationi virorum Eruditorum quondam dedicata. Quam in rem vide plura apud Iac. Sponium Itinerar. Graeciae Tom. 2. Quod de porticu modo dictum, meminit et porticuum Octaviae Scholaeque in illis Plin. l. 35. c. 13. ubi Dalechampius, in porticibus huiusinodi locum et stationem quandam Ludi Literarii, in quem Philosophi et reliquis doctrinis exculti homines convenire foliti sint, ut publicis disputationibus ac colloquiis exercerentur, fuisse, notat. Vide quoque infra Lemaeon; hîc enim ante Theatrum exstructum certamina Athenienses celebraverant etc.